Maškarani Platak 2009.

nedjelja 8. veljače

Nediju 08. veljače 2009., Turistička zajednica Općine Čavja i Radio Rika ponovo Vas zovu da dojdete na Platak. Zač? Pa na Maškarani Platak. Ne znate ča je to? Pa kadi vi bivate?! Judi 'z Bugarske, Austrije i Slovenije parićuju se doć, a vi?!

Zamite lagaman, vriću za smete, kakovu staru kamandariju ili lopatinu, omaškarajte se i dojdite! Ako slučajno niste zagriženi za spust po snigu, morete doć gjedat i navijat, za to van rabi samo dobra voja. Zato omaškarajte se i dojdite. Ono ča ni slučajno ne smite pušćat doma j' dobra voja i čuda smiha.
Program morete videt ovdi, a ča i kako će se dogajat – živi bili pa videli!!!

Prijave kreću vaje: prijavnica (.doc)
Ste me razumeli? Ako ste – jedva čekan da se nediju vidimo, a ako Van neč ni jasno – obrnite 091/400- 6677.

Za dobru zabavu, tekuću i krutu «problematiku» parićuju se TZO Čavja, Radio Rika, Grobnički Dondolaši, Općina Čavja, Žičare Platak, Planinarski dom Platak. Si oni potrudit će se da komać dočekate drugo leto, i deveti Maškarani Platak.

Do nedije, pozdravja Vas Turistička zajednica Općine Čavja

Program:

9.00                 - polazak za Platak (autobusom sa Delte, Čavala i Dražica)
11.00               - dolazak Kraljice karnevala i Meštra Tonija
11.30               - start natjecanja (parovi i grupe)
13.30               - ručak za sudionike
14.00               - proglašenje pobjednika i podjela nagrada
15.00               - planirani povratak

Pravo prijave imaju maskirani parovi i grupe. Prijave se primaju do petka 6. veljače 2009.